بافڵ جەلال تاڵەبانی، سەرۆكی یەكێتیی نیشتمانیی كوردستان لە ماڵی مام لە بەغداد پێشوازیكرد لە ئەبوكەرار فەرێجی، ئەمینداری گشتیی حزبی فەزیلەی ئیسلامی.
لە دیدارێكدا كە دەرباز كۆسرەت ڕەسوڵ، كارگێڕی مەكتەبی سیاسی و ڕزگار حاجی حەمە، ئەندامی مەكتەبی سیاسی و فەیسەڵ كەریم خانی برادۆستی ئامادەبوون، دوایین هەنگاوەكانی پێكهێنانی حكومەتی نوێ و تێپەڕاندنی ئاستەنگەكان تاوتوێكران و جەخت لە سازان و لێكتێگەیشتنی هاوبەش كرایەوە.
سەرۆك بافڵ جەلال تاڵەبانی بۆچوونی حزبەكەی لەبارەی دۆخی ئەمڕۆی عێراق ڕوونكردەوە و وتی، “دۆخەكە پێویستی بە هەڵوێستی نیشتمانی و بەرپرسانەیە، ئەركی هەموو هێز و لایەنەكانە كار بۆ دروستكردنی حكومەتێكی بەهێز بكەن و عێراق ببەنە قۆناغێكی نوێی حوكمڕانییەوە لەپێناو دەستەبەركردنی ژیانێكی شایستە بۆ هاوڵاتییان.
