کیلیان مباپێی فەرەنسی و ئەستێرەی یانەی پاریس سان جێرمان، هێشتا دەستبەرداری خەونی یاریکردن لە ڕیاڵ مەدرید نەبووە.
ماڵپەڕی “فووت مێرکاتۆ”ی فەرەنسی لە زاری سەرچاوەیەکی نزیکی کیلیان مباپێ-وە بڵاویکردووەتەوە، یاریزانەکە هێشتا دەستبەرداری خەونی یاریکردن بۆ ڕیاڵ مەدرید نەبووە، بۆ ئەو مەبەستەش باوکی کە لە هەمان کاتدا لێپرسراوی کارەکانییەتی پەیوەندی لەگەڵ فلۆرنتینۆ پێرێزی سەرۆکی “لۆس بلانکۆس” نەپچڕاندووە.
🚨⚪ Kylian Mbappé quiere cumplir su sueño de jugar en el Real Madrid, aunque con Zidane en el banquillohttps://t.co/JYHWs2dMW0
— Defensacentral.com (@defcentral) January 10, 2023
بەپێی سەرچاوەکە، پێرێز چاوەڕوانی پەیوەندییەکی ئەرێنی-یە لە مباپێ-وە، یاریزانەکەش بە شێوەیەکی ناڕاستەوخۆ پێیڕاگەیاندوون، کە ئامادەیە لە هاوینی 2023 پەیوەندییان پێوەبکات، بەو مەرجەی زینەدین زێدان بگەڕێتەوە و پۆستی ڕاهێنەری یانەکە وەربگرێت.
لە وەڵامی ئەم خواستەی یاریزانەکەدا، پێرێز و هاوەڵانی چاویان نەتروکاندووە و ڕەزامەندییان دەربڕیوە.
