فڕۆکەیەکی رووسی بە کۆمەڵێک گەشتیارەوە لە بۆشایی ئاسماندا دەرگاکەی کرایەوە و دۆخێکی مەترسیداری دروستکرد.
پێگەی دەیلی مەیلی بەریتانی بڵاویکردەوە، “فڕۆکەیەکی نەفەرهەڵگر کە لە فڕۆکەخانەی ماگانی رۆژهەڵاتی سیبریا کە یەکێکە لە ناوچە هەرە ساردەکانی جیهان و پلەی گەرما 41 پلە لەژێر سفری سەدییەوەیە، بەڕێکەوتووە و لەبەرزی 10 هەزار مەتر دەرگاکەی کراوەتەوە”.
ئاماژەی بەوەش کرد، “بەهۆی ئەو سەرما زۆر و رەشەبایەی هاتووەتە ناو فڕۆکەکە گەشتیارەکان کە ژمارەیان 25 کەس بووە رووبەڕووی ترس و شڵەژان بوونەتەوە”.
ئاشکراشیکرد، “رووداوەکە سەیر و نامۆیە، چونکە لە بەرزاییەکی زۆر بەهۆی زۆری پەستانی هەواوە دەرگای فڕۆکە ناتوانرێت بکرێتەوە، هەر بۆیە دەسەڵاتدارانی وڵاتەکە لێکۆڵینەوەکانیان لە رووداوەکە دەستپێکردووە”.
باسیلەوەشکرد، “فڕۆکەکە توانیویەتی بەو دۆخەوە بنیشێتەوە و زیانی گیانی بەر سەرنشینەکانی نەکەوێت”.
Terrifying moment #plane door OPENS during #Russian flight, sending passengers’ hats flying into void pic.twitter.com/Abb2Od7E9X
— Videos_gen (@Videos_gen) January 9, 2023
