ڕاپۆرتێکی ڕۆژنامەوانی سعوودی پشتڕاستیکردەوە، کە یانەی نەسڕی سعوودی گرێبەستی لەگەڵ ئەستێرەی پۆرتوگالی، کریستیانۆ ڕۆناڵدۆ واژۆ کردووە و تەنها ڕاگەیاندنی فەرمی ماوە.
ڕۆژنامەی “الریاض”ی سعوودی ئاشکرایکردووە، کە بەڕێوەبەرانی یانەی نەسڕی سعوودی بە فەرمی گرێبەستیان لەگەڵ کریستیانۆ ڕۆناڵدۆی ئەفسانەی پۆرتوگالی بۆ ماوەی دوو و نیو واژۆکردووە.
#عاجل | #النصر يوقع رسميا مع الأسطورة البرتغالية كريستيانو رونالدو لمدة موسمين ونصف.
— الرياضية – عاجل (@ariyadhiah_br) December 30, 2022
بەپێی سەرچاوەکە، “دۆنی پۆرتوگال” ساڵانە 200 ملیۆن یۆرۆ مووچە و پاداشت وەردەگرێت، کە بەرزترین ڕێژەیە تاوەکو ئێستا یاریزانێک لە مێژووی تۆپی پێدا بەدەستیهێنابێت.
ئەم بڕیارەی پۆرتوگالییەکە دوای ئەوە هاتووە، کە هیچ یانەیەکی ئەوروپا ئۆفەریان پێشکەش نەکردووە و ئامادە نەبوون بڕێکی خەیاڵی بۆ یاریزانێکی تەمەن 38 ساڵ بەکاربخەن.
