خێزانێكی پێكهاتوو لە سێ منداڵ و دایك و باوكیان رۆژی 25ی ئەم مانگە لە رۆژئاوای ئوسترالیا تووشی رووداوی هاتوچۆ هاتن، دوای ئەوەی ئۆتۆمبێلەكەیان لە شەقام دەرچوو و وەرگەڕا.
پاش رووداوەكە كچە تەمەن پێنج ساڵانەكەیان ژیانی برا ساواكەی رزگاركرد، لە رووداوەكەدا دایك و باوكیان گیانیان لەدەستدا، بەهۆیەوە لەگەڵ براكەی دیكەیان بۆ ماوەی زیاتر لە دوو رۆژ، بە دیاریكراوی ماوەی 55 كاتژمێر، بە گەمارۆدراوی لەنێو ئۆتۆمبێلەكەدا مانەوە.
جیك دای-ی باوك (28 ساڵ) و سیندی برادۆك-ی دایك (25 ساڵ) گیانیان لەدەستدا دوای ئەوەی ئۆتۆمبێلە بەرزەكەیان لە جۆری (لاند رۆڤەر) لە شەقامەكە دەرچوو و وەرگەڕا، لە دووری نزیكەی 10 كیلۆمەتر لە شوینی لەدایكبوونیانەوە لە ناوچەی (كۆندینین)ی رۆژئاوای ئوسترالیا.
هەردوو هاوسەرەكە ماوەی 200 كیلۆمەتریان بڕیبوو كاتژمێر لە نزیك كاتژمێر 1ی بەرەبەیان تووشی رووداوەكە هاتن.
نەتوانرا سێ منداڵەكە بدۆزرێنەوە، كە لە رووداوەكەدا رزگاریان بوو، بەڵكو بە گەمارۆدراوی لە ئۆتۆمبێلە وەرگەڕاوەكەدا لەگەڵ دایك و باوكە مردووەكەیاندا مانەوە، تا نزیكی نیوەڕۆی رۆژی سێشەممە.
مایكل رید، یەكێك لە نزیكەكانی دای بە رۆژنامەنووسانی وتی، كچی دوو قوربانییەكە ژیانی برا ساواكەی لە رووداوەكەدا پاراستووە.
وتیشی، “كچەكە سەرەتا لە ئۆتۆمبێلەكە هاتووەتە دەرەوە، پاشان برا یەك ساڵانەكەی دەرهێناوە، كە ماوەی 55 كاتژمێر لەنێو ئۆتۆمبێلەكەدا ماونەتەوە لە گەرمای 33 پلەی سەدیدا”.
ئەوەشی وت، “ئەگەر كچەكە برا ساواكەی لە كورسییەكەی دەرنەكردایە، ئەمڕۆ لەگەڵماندا نەدەبوو”.
لە رووداوەكەدا هەرسێ منداڵەكە برینداربوون، تا دۆزینەوەیان كوڕەكەی دیكەیان كە تەمەنی دوو ساڵە، بە گرێدراوی بە كورسییەكەیەوە ماوەتەوە.
Missing parents: Cindy Braddock and Jake Day found dead after urgent search, three kids survive https://t.co/iUCfNUi2rc via @couriermail
— Jodie O’Brien (@jodieobrien) December 28, 2022
