دووان لە یاریزانە لاوەکانی هەڵبژاردەی ئەرجەنتین، سەرنجی یانە زەبەلاحەکانی ئەوروپایان ڕاکێشاوە.
ماڵپەڕی “فووت مێرکاتۆ” نووسیویەتی، یانەی بەنفیکا بیر لە فرۆشتنی ئینزۆ فێرناندێز دەکاتەوە و بڕیارەکەشیان پێڕاگەیاندووە، سەرەتا یانەی لیڤەرپوڵ بەبڕی 100 ملیۆن یورۆ ئۆفەرێکیان پێشکەشکردووە، بەڵام ئۆفەرەکە ڕەتکراوەتەوە.
بەنفیکا بە سەرجەم یانە خوازیارەکانی ئینزۆی ڕاگەیاندووە، کە نرخی شکاندنی گرێبەستەکەی (127) ملیۆنە و هەر یانەیەک ئەو بڕە پێشکەشبکات براوەی واژۆکردنی گرێبەستەکەی دەبێت.
لەلایەکی دیکەوە یانەکانی لیڤەرپوڵ و یوڤانتۆس هەوڵەکانیان بۆ کڕینی ئەلێکسیز ماک ئالیستەر دەستپێکردووە و یانەی برایتۆن ڕێگر نییە لە بەرامبەر فرۆشتنیدا.
یانەی یوڤانتۆس لە دانوستاندنەکاندا پێشەنگی گرتووە، هیوادەخوازن ئەنخێل دی ماریا ڕۆڵ بگێڕێت لە قایلکردنی یاریزانەکە، تاوەکو بە درێسی “خانمە پیرەکە”وە دەربکەوێت.
