بافڵ جەلال تاڵەبانی سەرۆکی یەکێتیی نیشتمانیی کوردستان، ئەرکی چارەسەرکردنی رەشمار ئێزدیار رەشۆی خەڵکی رۆژئاوای کوردستانی گرتەئەستۆ کە بە دەست چەندین نەخۆشییەوە دەناڵێنێت.
رەشمار ئێزدیار رەشۆ، تەمەنی پێنج ساڵە و خەڵکی عەفرینی رۆژئاوای کوردستانە، ئێستا دانیشتووی گوندی مازەرێ-ی تل شەعیر لە فافین-ی شەهبایە، بە دەست نەخۆشیی کارەبای زیادەی مێشک و رەبۆوە دەناڵێنێت.
لە ماوەی رابردوودا، بەهۆی نەبوونی دەرمان بۆ نەخۆشییەکەی مێشکی و نەبوونی ئامێری هەناسەدانی دەستکرد، دۆخی تەندروستیی “رەشمار” بەرەو خراپی رۆشتبوو و بەهۆی ئابڵوقەی حکومەتی سوریا و دەوڵەتی تورکیاوە، نەدەتوانرا دەرمان و ئامێری هەناسەدانی دەستکردی بۆ دابینبکرێت.
بافڵ جەلال تاڵەبانی سەرۆکی یەکێتیی نیشتمانیی کوردستان، ئەرکی چارەسەرکردن و یارمەتیدانی منداڵی ئەم خانەوادەیەی گرتووەتە ئەستۆی خۆی.
