بافڵ جەلال تاڵەبانی، سەرۆكی یەكێتیی نیشتمانیی كوردستان لە دەباشان پێشوازی لە محەمەد حەلبووسی، سەرۆكی هاوپەیمانیی تەقەدووم كرد.
لە كۆبوونەوەكەدا پێویستیی رەخساندنی كەشێكی ئەرێنی و لەبار بۆ ئەنجامدانی هەڵبژاردنی ئەنجوومەنی نوێنەرانی عێراق جەختی لەسەر كرایەوە.
لەبارەی كێشەكانی نێوان هەولێر و بەغدا، بافڵ جەلال تاڵەبانی و محەمەد حەلبووسی جەختیان لە بەردەوامی گفتوگۆكان بۆ چارەسەركردنی كێشەكان لەسەر بنەمای دەستوور كردەوە، بەشێوەیەك هەموو هەوڵەكان یەكبخرێن بۆ خزمەتكردنی هاونیشتمانییان.
دۆخی رۆژهەڵاتی ناوەڕاست تەوەرێكی دیكەی دیدارەكە بوو و هەردوولا لێكتێگەیشتنی نێوان لایەنەكانیان بەلاوە گرنگبوو بۆ دوورخستنەوەی وڵات لە گرژییەكان.
