شێرپەنجە لە شارەكانی هەرێمی كوردستان و عێراق تەشەنەیسەندووە، كۆمسیۆنی مافی مرۆڤ دەڵێت، بەرزترین رێژە لە بەسڕە و فەلوجەیە.
بەپێی راپۆرتێكی كۆمسیۆنی مافی مرۆڤ لە عێراق، مانگانە لە بەسڕە زیاتر لە 700 حاڵەتی تووشبوون بە شێرپەنجە تۆماردەكرێن و هۆكارەكەی بۆ پیسبوونی ژینگەی پارێزگاكە دەگەڕێنێتەوە.
راپۆرتەكەی كۆمسیۆنی مافی مرۆڤ ئاماژەی بۆ ئەوە كردووە كە زۆریی كێڵگەكانی نەوت لە پارێزگای بەسڕە و نەبوونی مەرجی سەلامەتی و رێكارەكانی پاراستنی ژینگە، هۆكاری سەرەكیی بەرزیی رێژەی تووشبووانی خەڵكی ناوچەكەن بە شێرپەنجە.
كۆمسیۆنی مافی مرۆڤ ئاماژەی بۆ ئەوەش كردووە كە جەنگ و بەكارهێنانی چەكی جۆراوجۆر و پیسبوونی خاك، هۆكارێكی دیكەی زۆربوونی ژمارەی تووشبووانی شێرپەنجەن لە بەسڕە و فەلوجە.
