توێژینەوەیەکی نوێ دەریخستووە، ئەو ژنانەی بە شەوان کاردەکەن، مەترسیی تووشبوونیان بە نەخۆشی رەبۆ بەراورد بەو ژنانەی بە رۆژ کاردەکەن زیاترە.
توێژینەوەکە لەلایەن توێژەرانی ئەمریکاوە ئەنجامدراوە و لە گۆڤاری زانستیی ERJ Open Research ئەنجامەکەی بڵاوکراوەتەوە، کە تێیدا هاتووە، ئەو ژنانەی کاردەکەن لە کاتەکانی شەودا بە شێوەی هەمیشەیی بێت یان ماوە ماوە و بە نۆرە، ئەگەری تووشبوونیان بە نەخۆشیی رەبۆ زیاترە بەراورد بەو ژنانەی بە رۆژ کاردەکەن یان هەر کارناکەن.
توێژەران دەڵێن، قورسە هۆکاری پەیوەندیی نەخۆشی رەبۆ و کارکردن بە شەواندا بدۆزنەوە، بەڵام ئەوەی روونە، کارکردن بە شەودا کاتژمێری بایلۆجی جەستە تێکدەدات و گۆڕان لە دەردانی هۆڕمۆنەکان روودەدات، دەکرێت هەر ئەمەش هۆکاری تووشبوون بێت بە نەخۆشییەکە.
