حكومەتی ئێران بە كۆمپانیای “مێتا” دەڵێت، ئەگەر نوێنەر نەنێرێتە تاران، ئینستگرام و وەتس ئاپ بۆ هەمیشە قەدەغەدەكات.
كاربەدەستانی بواری میدیا و تۆڕە كۆمەڵایەتییەكانی ئێران، دوو نامەیان بۆ كۆمپانیای “مێتا” ناردووە و رایانگەیاندووە، ئەگەر كۆمپانیاكە بەدەم داواكەیانەوە نەیەت و نوێنەر نەنێرێت، ئەوا ئینستگرام و وەتس ئاپ بۆ هەمیشە لە ئێران قەدەغەدەكرێن.
راشیانگەیاندووە، تا ئێستا بڕیاری داخستنی ئەو دوو ئەپلیكەیشنە نەدراوە، بەڵام بەهۆی دۆخی ئەمنیی وڵاتەكەوە، ئەنجومەنی ئاسایشی ئێران خزمەتگوزاریی ئەپلیكەیشنەكانی مێتای سانسۆركردووە و گەیشتن پێیان و بەكارهێنانیان ئەستەم بووە.
