دەسەڵاتدارانی فەرەنسا هۆشداری دەدەن لە دامەزراوە و فەرمانگەكانیان لە پۆستی بۆمبڕێژكراو و ترسیان هەیە لەو رێگەیەوە بپێكرێن.
لە رۆژانی رابردوودا، پۆستی بۆمبڕێژكراو نێردران بۆ چەند باڵیۆزخانە و دامەزراوەیەك لە پاریس، ئەوەش ترسی زیادكردنی هێرشی لەو جۆرەی لای حكومەتی فەرەنسا دروستكردووە.
ئەمیندارێتیی گشتیی بەرگری و ئاسایشی نیشتمانیی فەرەنسا كە سەر بە سەرۆكایەتیی وەزیرانە، یاداشتێكی ئاراستەی وەزارەت، فەرمانگە و دامەزراوەكان كردووە و پۆستی لەو جۆرەی بە “زۆر مەترسیدار” ناوبرووە، هۆشداری داوە لەوەی خۆیانی لێدووربگرن و رێنمایی چۆنێتیی مامەڵەكردن لەگەڵ پۆستی بۆمبڕێژكراوی داوە بە وەزارەت و فەرمانگەكان.
