سێ تەرم لە ناو ماڵێكدا دۆزرانەوە كە ئەندامی یەك خێزانن و پۆلیس هۆكاری كوشتنیان ئاشكرادەكات.
لە راگەیەندراوێكدا كە ئەمڕۆ یەكشەممە بڵاویكردەوە، پۆلیسی پارێزگای نەجەف دەڵێت، تەرمی ژن و پیاوێک و کوڕەكەیان لەناو ماڵی خۆیاندا لە ناحیەی “حیرە”ی سەر بە پارێزگای نەجەف دۆزراونەتەوە.
ئاشكرایكردووە، كوڕەكە تەمەنی 13 ساڵە و لەگەڵ دایك و باوكیدا بە کوژراوی لە ماڵەكەدا بوون، بەهۆی بڵاوبوونەوەی بۆنیانەوە دانیشتووانی گەڕەک كوژرانیانیان ئاشكراكردووە و كاتێك هێزەكانی پۆلیس گەیشتوونەتە ماڵەكە، دەركەوتووە ماوەی چەند رۆژێک بووە كوژراون.
بەپێی راگەیەندراوی پۆلیس، پێدەچێت پیاوەكە هاوژینەكەی و كوڕەكەی كوشتبێت و دواتر كۆتایی بە ژیانی خۆی هێنابێت، بەڵام زانیارییەكان یەكلانەبوونەتەوە و لێكۆڵینەوە لە رووداوەكە دەكرێت.
