هەڵبژاردەی مەغریب لە مۆندیالی قەتەری 2022 مێژووییەکی چاوەڕوان نەکراوی تۆمارکردووە، کە هاوشێوەی مێژووی ئیتاڵییەکانە لە مۆندیالی 2006.
لە دوایین یاریی قۆناغی چارەکی کۆتایی مۆندیال، مەغریب لە پۆرتوگالی بردەوە و بلیتی قۆناغی نیوەی کۆتایی مسۆگەرکرد، بوون بە تاکە هەڵبژاردەی عەرەبی – ئەفریقی بە چوارگۆشەی زێڕینی مۆندیال دەگەن.
یەکێک لە خاڵە هاوبەشەکانی مەغڕیب لەگەڵ هەڵبژاردەی ئیتاڵیای 2006 ئەوەیە، کە تەنها گۆڵێکیان لەسەر تۆمارکراوە و خاوەنی بەهێزترین هێڵی بەرگریکردنن.
Morocco's Sofiane Boufal celebrating with his mother is EVERYTHING.
— Ahmed Ali (@DrAhmednurAli) December 10, 2022
لەوەش سەیرتر، ئەو گۆڵەی لەسەر مەغریب تۆمارکراوە بە هەڵە لەلایەن نایف ئەکرەدەوە بووە، بە هەمانشێوەی ئیتاڵیای 2006 کە تەنها گۆڵێکیان لەسەر تۆمارکرا و گۆڵەکەش بە هەڵە زاکاردۆ تۆماریکرد.
پێکهاتەی وەلید رگراگی و مارچێلۆ لیپی دووبارەی یەکدین لە دوو سەردەمی جیاوازدا، هەمان پێگەیان گرتووە.
پرسیارەکە ئەوەیە: ئایا مەغریب بە بەرگرییە ئیتاڵییەکەی هەژەندی گەورە دەکات و ناسناوی مۆندیالیش دەباتەوە؟ لە کاتێکدا ئیتاڵیا بە هەمان ڕیکۆرد و ئاستەوە ئەو کارەی کردووە.
