لە یانەیەكدا 15 “قومارباز”ی بیانی دەستگیركران و لایەنی پەیوەندیدار روونكردنەوە دەدات.
ئەو كەسانەی دەستگیركراون، بەشێكیان ژنن و لە یانەیەكی رۆلێتدا لە بەغداد كاریانكردووە، وەك بەڕێوەبەرایەتیی باری شارستانی و پاسپۆرت و نشینگە ئاشكرایكردووە و دەڵێت، “تۆمەتبارەكان سەر بە چەندین نەتەوە و وڵاتی جیاوازن”.
لە راگەیەندراوێكدا كە ئەمڕۆ چوارشەممە بڵاویكردەوە، بەڕێوەبەرایەتیی باری شارستانی و پاسپۆرت و نشینگە رایگەیاند، زانیارییان پێگەیشتووە كە ژمارەیەك كەسی بیانی لە دەرەوەی یاسا و پێچەوانەی مەرجەكانی مانەوە، لە یانەیەكی رۆلێت لە ناوچەی كەڕادەی بەغداد كاردەكەن، بۆ بەدواداچوون بۆ ئەو پرسە، تیمێكی هاوبەشیان لە پۆلیس و ئاسایشی نیشتمانی و هەواڵگری پێكهێناوە، چوونەتە یانەكە و تۆمەتبارەكان دەستگیركراون.
بەپێی راگەیەندراوەكە، دەستگیركراوەكان ژمارەیان 15 كەسە و هەندێكیان ژنن و سەرجەمیان بیانین، بەپێی یاسا دەنێردرێنەوە بۆ وڵاتەكانیان.
