راوێژكاری دارایی سەرۆك وەزیرانی عێراق رایدەگەیەنێت، بۆ دابەزاندنی بەهای دۆلار بەرامبەر دینار رێكارێكی نوێ دەگیرێتەبەر.
مەزهەر محەمەد ساڵح راوێژكاری دارایی سەرۆك وەزیرانی عێراق رایگەیاند، بڕیاردراوە بۆ بازرگانانی كە مامەڵەی بچووك دەكەن دۆلاریان بە هەرزان بۆ دابینبكرێت و ئەو بڕیارەش كاریگەری لەسەر دابەزینی بەهای دۆلار بەرامبەر دینار دەبێت.
ئاماژەی بۆ ئەوەش كرد، بانكی بازرگانیی عێراق هەموو رێوشوێنێك دەگرێتەبەر كە دۆلار بە نرخی فەرمی و بە 132 هەزار دینار بۆ بازرگانان دابینبكات و چەند رێوشوێنێكی دیكەش دەگرێتەبەر كە كاریگەرییان لەسەر دابەزینی بەهای دۆلار دەبێت.
