لە چێوەی یارییەکانی قۆناغی (16)ی مۆندیالی قەتەر 2022، هەڵبژاردەی مەغریب بردنەوەی بەرامبەر ئیسپانیا تۆمارکرد.
ئەمشەو دووشەممە، لە یاریگای (استاد المدینە التعلیمیە) و لە چێوەی یارییەکانی قۆناغی (16)ی مۆندیال، هەڵبژاردەکانی ئیسپانیا و مەغریب ڕووبەڕووبوونەوە.
یارییەکە لە کاتی یاساییدا بە بەبێ گۆڵ کۆتاییهات، لە کاتە زیادکراوەکانیشدا هەمان ئەنجام درێژەی کێشا و بە ناچارییەوە پەنا بۆ لێدانی یەکلاکەرەوە برا (پەناڵتی).
لە کۆتاییدا بە لێدانی پەناڵتی، هەڵبژاردەی مەغریب بە ئەنجامی (3-0) بردنەوەی تۆمارکرد.
بەپێی ئەنجامە تۆمارکراوەکە، مەغریب سەرکەوتنی بۆ قۆناغی چارەکی کۆتایی مسۆگەرکرد، لە قۆناغی داهاتووشدا بەرامبەر براوەی یاریی نێوان پۆرتوگال و سویسرا یاریدەکات.
