لە ئەگەری دروستبوونی هەر گرفتێکی کارگێڕیدا، بەرشلۆنە بۆندی عوسمان دێمبیلی نوێناکاتەوە و هەوڵەکانیان بەئاڕاستەی بەهرەدارێکی بەرازیلی دەستپێدەکەن.
ماڵپەڕی “تریبڵ فوتبۆڵ” ئاماژەیکردووە، تاوەکو ئێستا ڕێککەوتن لەبارەی نوێکردنەوەی بۆندی عوسمان دێمبیلی-یەوە نەکراوە، جەمسەرەکان ناگەن بە ئەنجامێک، داهاتووی ڕەشئەسمەرەکە لە بەرشلۆنە مسۆگەرنییە و ئەگەری ئەوە لەئارادایە هاوینی 2022 بێبەرامبەر ڕوو لە یانەیەکی دیکە بکات.
سەرچاوەکە نووسیویەتی، باشترین جێگرەوە بۆ دێمبیلی بریتییە لە ئانتۆنی تەمەن 21 ساڵ، کە هەڵگری ناسنامەی بەرازیلی-یە و بۆ یانەی ئەیاکس ئەمستەردام یاریدەکات.
یاریزانەکە لەتوانایدایە وەک باڵەکانی هێرشبەری ڕاست و چەپ یاریبکات، پێگەی خوازیاری باڵی ڕاستە و هەمان شێوەی یاریکردنی یاریزانە فەرەنسییەکەی هەیە.
ئانتۆنی تاوەکو 2025 بۆندی لەگەڵ ئەیاکس واژووکردووە، گواستنەوەی 35 ملیۆن یورۆی تێدەچێت و لەڕووی مووچەوە لە عوسمان دێمبیلی کەمتر بەدەستدەهێنێت.
