تۆماس توخێل، ڕاهێنەری یانەی بایرن میونشن بە گوڕوتینەوە یەکەی مەشقوڕاهێنانەکانی سەرەتای وەرزی دەستپێکردووە.
بە گوێرەی زانیارییەکانی ڕۆژنامەی “بێلد سپۆرت”، توخێل لە ئامادەکارییەکانی سەرەتای وەرزدا ڕەخنەی ئاراستەی زۆرینەی یاریزانانی بایرن کردووە و بە تەمبەڵ و کەمتەرخەم وەسفیکردوون.
سەرەڕای ئەوەی ڕاهێنەرەکە چەندین ڕێگەچارەی چاکسازی بۆ یاریزانان داڕشتووە، لە هەمان کاتدا هەڕەشەشی کردووە، کە هەر یاریزانێک لەسەر پلان نەڕوات و لە کەمتەرخەمی بەردەوامبێت دەیخاتە سەر کورسی یەدەگ.
بەهۆی بەهێزی ڕاهێنانەکانەوە، تۆماس مولەر دووچاری پێکان بووە و ناچاربووە بکشێتەوە، ڕەخنەش ئاراستەی جەمال موسیالا و لیۆن گۆرێتزکا و دوو یاریزانی گەنج کراوە، بەوەی کە ئاست و بڕیارەکانیان بەپێی پێویست نییە و دەبێت خۆیان زیاتر ماندوو بکەن.
