لە دوای بڵاوبوونەوەی چەند گرتە ڤیدیۆیەکیان لە کاتی دزیکردندا، پۆلیسی بەغداد چوا کەسیان دەستگیرکرد کە بە دزی دەرمانخانەکان ناسرابوون.
ئەمڕۆ هەینی دەزگا ئەمنییەکانی عێراق بڵاویانکردەوە، “لە شاری بەغداد توانراوە چوار کەس دەستگیربکرێن کە بە دزی دەرمانخانەکان ناسراون”.
ئاماژەیان بەوەش کرد، “ئەو کەسانەی دەستگیرکراون، لە کاتەکانی درەنگی شەودا بە ماسک دەموچاویان شاردووەتەوە و بە ماتۆڕسکیل بەرەو ئەو دەرمانخانانە چوون کە کردوویانەتە ئامانج، قفڵی دەرمانخانەکانیان شکاندووە و دەرمان و پارەیەکی زۆری ناو دەرمانخانەکانیان دزیوە”.
ئاشکراشیان کرد، “دزەکان، لە کامێراکانی چاودێرییەوە دەرکەوتوون، دوای لێکۆڵینەوەیەکی ورد توانراوە دەستگیربکرێن و رووبەڕووی یاسا دەکرێنەوە”.
مكافحة إجرام بغداد تلقي القبض على عصابة مختصة بسرقة “الصيدليات” #قناة_دجلة_الفضائية pic.twitter.com/eTNRhQwFgv
— قناة دجلة الفضائية (@DijlahTv) December 2, 2022
