کریستیانۆ ڕۆناڵدۆی پورتوگالی لە هێرشەکانی بۆ سەر ئیدارەى مانچستەر یونایتد و ڕاهێنەرەکان بەردەوامە.
ڕۆناڵدۆ دەڵێت من نەمزانیوە ڕانیگ کێیە کە بووەتە ڕاهێنەر و دەشڵێت پێشتر کارم لەگەڵ چەندین ڕاهێنەری گەورە کردووە و دەزانم چی ڕاستە و چی هەڵەیە.
پوختەى قسەکانی ڕۆناڵدۆ لە بەشی چوارەمدا
– سۆلشایەر پێویستی بە كات بوو، دڵنیام لە داهاتودا دەبێتە ڕاهێنەرێكی باش ، دڵخۆش بووم بە كاركردن لەگەڵیدا لەگەڵ ئەوەی كاتەكەشی كەمبوو
– من سۆلشایەرم خۆشدەوێت كەسێكی باش بوو، بەڵام قورسە تۆ جێگەی فێرگسۆن بگریتەوە
– هەر كەسێك سەرپەرشتی یانەكەی كردبێت من ڕێزی دەگرم بەڕاڵف ڕانیگیشەوە
– بەڵام ڕانیگ وەك ڕاهێنەر نەدەهاتە بەرچاوم، چونكە زۆر خاڵ هەبوو تێبینیم لەسەری هەبوو
– پێموایە ئێستا كاتێكی گونجاوە بۆیە بڕیاریمدا ئەم چاوپێكەوتنە بكەم و سەرسامیشم بەتۆ بۆیە پێموتی
– چونم بۆ مانچستەر سیتی زۆر نزیك بوو گواردیۆلا وتبوی پێویستم پێیەتی، بەڵام دڵم و مێژووم لە مان یو ڕێگری كرد، هەروەها فێرگسۆنیش
– من دوای ژمارە پێوانەییەكان ناكەوم ژمارە پێوانەییەكان دوام دەكەون
– كاتێك سۆلشایەر دووردەخرێتەوە پێویستە ڕاهێنەرێكی گەورە بهێنرێت نەك بەڕێوەبەرێكی وەرزشی
– كاتێك گەڕامەوە مانچستەر یونایتد وامزانی هەموو شتێك گۆڕاوە كەچی وەك ١٣ ساڵ پێشتر بوو كە جێمهێشتبوو
– هەمیشە لەگەڵ باشترین ڕاهێنەرەكان بووم، ئەنچیلۆتی ، زێدان، ئالێگری، سانتۆس، شتێكیان لێوە فێربوم
– سوپاسی ئەو پستگیرییە دەكەم كە لەلایەن هاندەرە ئینگلیزییەكانەوە بۆ مردنی كچەكەم لێمكرا
– من یەكەم كەس بوم دەچومە ڕاهێنانەكان و دواین كەسیش بووم كە دەڕۆشتم، ئەمویست نمونەیە بم بۆ لاوەكان
– هەست دەكەم بەغیلی بەشێك بێت لە ڕەخنە، دەزانم ك من نزیكەی ٢١ ساڵە لە لوتكەی ئەم یارییەدام بۆیە هەندێك ڕەخنەم لێدەگرن
– من گرنگی بەو كەسانە دەدەم كە خۆشیان دەوێم، ئەوانەم لا گرنگ نییە كە خۆشیان ناوێم، كاتی خۆمیان پێوە ناكوژم
– پێموایە لە چوار پێنج مانگی ڕابردوودا ڕاگەیاندنەكان زیاتر بە دوای سلبیاتی منەوە بوون
– ڕانیگ نەیدەزانی چی بكات
– یاریزانی ئێستا و جیلی ئێستا گرنگی بە كاركردنو هیلاكیەتی نادەن
– جیلی ئێستا هەموو شتێكی بە ئاسانی دەوێت
– فێرگسۆن و دیڤد جیل بۆشاییەكی گەورەیان لە یانەی مانچستەریونایتد بەجێهێشتوە
– كاتێك من لاو بووم لەبەردەمم نیستەرۆی و ڕۆی كین و فێردیناند و گیگز هەبوو هەمویان بۆ من ڕابەر بوون، پارێزگاریم لە جەستەی خۆم دەكرد بۆ ئەوەی بە بەهێزی بمێنمەوە
– دیگۆ دالۆت لاوێكی بەهرەمەندە و داهاتویەكی گەشی هەیە
– بەهەمان شێوە بۆ مارتینێز و كاسیمیرۆ ئەوانیش یاریزانی بەتوانای مانچستەریونایتدن
– جیلی ئێستا ماوەیەكی زۆر لە یاریكردن نامێننەوە چونكە گرنگی بە خۆیان نادەن
– پێشكەوتن لە مانچستەر سفرە بە بەراورد بە ڕیاڵ و یوڤی
– دەمەوێت منداڵی زیاترم هەبێت لەگەڵ جۆرجینا
– ئێستا بیر لە زەواج ناكەمەوە بەڵام لەداهاتودا بەڵێ
– پەشیمان نیم لە وەی نەچوم بۆ مانچستەر سیتی
– گرنگی بە هەواڵی ڕاگەیاندنەكان نادەم چونكە دەزانم لەسەدا ٩٠ی درۆیە و هێرشكردنە سەر خۆم و خێزانەكەمە
– حەزم لێیە بە كاتێ سەختدا برۆم بۆیی بزانم. كێ لەدەورم دەمێنێتەوە
– پێموایە ڕاگەیاندنەكان باسم دەكەن بۆ ئەوەی فرۆشیان زیاتر بێت
– ڕۆی كین باشترین كاپتن بووە و فێردیناندیش زۆر هاوكاری دەكردم
– بۆچی من كەسی ژمارە یەكم لەسەر ئاستی جیهان؟ چونكە قۆزم هەروەها هەستەكەم وەك ئەو جۆرە میوەیە وام كە هەموو كەسێك حەزی پێیەتی.
