ئەمڕۆ سێشەممە، ژنێک لە گەڕەکی 32 پارک لە شاری هەولێر کوژرا.
پەیامنێری تۆڕی میدیایی ئێستا لە زاری شایەتحاڵێكەوە ئاشكرایكرد، ژنەكە هاوژینی سێیەمی هاوسەرەکەی بووە و دوو منداڵیان هەن، تەمەنی 30 ساڵ بووە و “پێشتر لەگەڵ هاوسەرە 60 ساڵانەكەیدا كێشەیان هەبووە”.
هێزەكانی پۆلیس دەڵێن، گوماندەکەن ژنەكە لە لایەن هاوسەرەکەیەوە كوژرابێت بۆیە دەستبەسەریانكردووە. بڕیاریشە ئێوارەی ئەمڕۆ پۆلیسی هەولێر لە كۆنگرەیەكی رۆژنامەوانیدا زانیاریی زیاتر ئاشكرابكات.
