هونەر جەمال، وتەبێژی وەزارەتی دارایی هەرێم رایگەیاند، ئەوان وەک وەزارەتی دارایی هەرێم هەموو رێکارەکانیان تەواوکردووە و هیچ کێشەیەک لەلایەن ئەوانەوە نییە و دەشڵێت، “بە هەموو پێوەرێک دەبێت لە ماوەی ئەم هەفتەیەدا بەغداد مووچە بنێرێت.”
هونەر جەمال لە لێدوانێکدا ئاماژەی بەوەکرد، لیستی ئەم مانگە، گۆڕانکارییەکی زۆری تێدا نەکراوە بەراورد بە لیستی مانگی دوو و سێ و بڕی پارەی داواکراو نزیکەی یەک ملیار زیاترە بەراورد بە مانگی رابردوو و داوای نزیکەی 970 ملیار دینارمان کردووە بۆ مووچە.
وتەبێژەکەی وەزارەتی دارایی ئەوەشی خستەڕوو، ئەوەی پەیوەستە بە وەزارەتی دارایی هەرێمەوە هیچ گرفتێک نییە و ئومێدەوارن بابەتی مووچە بەتەواوی چارەسەر ببێت و بەهەموو پێوەرێکیش دەبێت لەم هەفتەیەدا مووچە بێت.
