ئیدارەی سەربەخۆی ڕاپەرین رایدەگەیەنێت، نابێت لە كاتی دەوامی فەرمیدا بەڕێوەبەر و فەرمانبەر بۆ مەبەستی پرسە كارەكەی بەجێبهێڵێت.
بەپێی راگەیەندراوێكی ئیدارەی سەربەخۆی ڕاپەرین كە وێنەیەكی دەست تۆڕی میدیایی ئێستا كەوتووە و تێیدا هاتووە، بە مەبەستی باشتر راییكردنی كاروباری هاوڵاتییان لە دام و دەزگا فەرمییەكانی حكومەتی هەرێم لە سنووری ئیدارەی سەربەخۆی ڕاپەرین، قائیمقامیەت و بەڕێوەبەرایەتییە گشتییەكان و بەڕێوەبەرایەتی و بەش و فەرمانگەكان ئاگاداردەكەینەوە نابێت لە كاتی دەوامی فەرمیدا كارەكەیان بەجێبهێڵن بۆ مەبەستی سەردانی پرسە، بەو هۆكارەش دەبێتە هۆی وەستاندنی مامەڵەی هاوڵاتییان، لەم بارەیەوە گلەیی و گازندەی زۆر ئاراستەی فەرمانگەكانی حكومەت دەكرێت.
لە راگەیەندراوەكەدا هاتووە، لەكاتی بەجێهێشتنی دەوام بۆ مەبەستی پرسە، فەرمانبەر و بەڕێوەبەرەكە بەرپرسیاردەبن.
