لە چێوەی کێبڕکێکانی خولی ئیتاڵیا، یانەی ناپۆلی لە یاریگای خۆیدا بردنەوەیەکی دیکەی بەرامبەر بە ئۆدینێزی تۆمارکرد.
ئەمڕۆ شەممە، لە چێوەی یارییەکانی هەفتەی (15)ی خولی ئیتاڵیا، یانەی ناپۆلی لە یاریگای “دیێگۆ ئارماندۆ مارادۆنا” میوانداریی یانەی ئۆدینێزی کرد.
یارییەکە بە ئەنجامی سێ گۆڵ بەرامبەر بە گۆڵێک لە بەرژەوەندیی ئەستێرەکانی لوچیانۆ سپالێتی کۆتاییهات.
گۆڵەکانی “پارتینۆپێ” لە خولەکەکانی 15، 31، 58 لەلایەن ڤیکتۆر ئۆسیمین پیۆتەر زێلینسکی و ئیلیف ئیلماسەوە تۆمارکران، دوو گۆڵەکەی ئۆدینێزی لە خولەکەکانی 79، 82 لەلایەن لیا نیستۆرۆڤسکی و لازار ساماردزیچەوە تۆمارکران.
بەپێی ئەنجامەکە، ناپۆلی بە کۆکردنەوەی 41 خاڵ پێگەی خۆی لە پلەی یەکەمی ڕیزبەندیی کالچیۆ بەهێزتر کرد، لە بەرامبەردا ئۆدینێزی بە 24 خاڵەوە چووە پلەی هەشتەم.
