یانەی ئارسیناڵ لە یاریگای خۆیدا یاریی هەفتەی (14)ی خولی نایابی ئینگلیزی بەرامبەر نۆتنگهام فۆرێست ئەنجامدا و بردنەوەی تۆمارکرد.
ئەمڕۆ یەکشەممە، لە چێوەی یارییەکانی هەفتەی (14)ی خولی نایابی ئینگلیزی “پریمەرلیگ”، یانەی ئارسیناڵ لە یاریگای “ئیماراتس” میوانداریی نۆتنگهام فۆرێستی کرد، یارییەکە بە ئەنجامی پێنج گۆڵی بێوەڵام لە بەرژەوەندیی ئەستێرەکانی مایکڵ ئارتێتا کۆتاییهات.
گۆڵەکەی “گانەرز” لە خولەکەکانی پێنج، 49، 52، 57، 78 لەلایەن گابریێل مارتینێلی، ڕیس نیڵسن (دوو گۆڵ)، تۆماس پارتی، مارتین ئۆدیگاردەوە تۆمارکران.
بەپێی ئەنجامە تۆمارکراوەکە، ئارسیناڵ ژمارەی خاڵەکانی گەیاندە 31 و گەڕایەوە پلەی یەکەمی ڕیزبەندیی یانەکانی ئینگلتەرا، یانەی نۆتنگهام فۆرێست بە نۆ خاڵەوە چووە کۆتا پلەی ڕیزبەندییەکە (20).
