یانەی نیوکاسڵ لە واژۆکردنی گرێبەستی مارکۆس تورام، هێرشبەری هەڵبژاردەی فەرەنسا و یانەی بوروسیا مونشنگلادباخ نزیکبووەتەوە.
خاوەنە سعوودییەکانی یانەی نیوکاسڵ، دەیانەوێت سوود لە وادەی گواستنەوەکانی زستانی 2023 وەربگرن و چەند ئەستێرەیەکی ئاستبەرزی مۆندیال بگوازنەوە بۆ ڕیزەکانیان.
ڕۆژنامەی “دەیلی مەیڵ” نووسیویەتی، مارکۆس تورامی هێرشبەری فەرەنسا یەکێکە لە یاریزانە داواکراوەکانی نیوکاسڵ، لەو بارەیەشەوە ئێدی هاو-ی ڕاهێنەر ڕایگەیاندووە، “یاریزانەکەم بەدڵە، هەوڵدەدەین لە ڕێگەی سانت ماکسیمینەوە قایلی بکەین.”
تورامی فەرەنسی تەمەن 25 ساڵ کوڕی لیلیان تورامی ئەفسانەی فەرەنسایە و لە مۆندیالی 2022ی قەتەر باشترین ئاستی پێشکەشکرد، چەند جارێک دووپاتیکردووەتەوە، کە دەیەوێت خولی ئەڵمانیا و بوروسیا مونشنگلادباخ بەجێبهێڵێت و لە ژیانی وەرزشییدا ئەزموونێکی نوێ تاقیبکاتەوە.
