کارلۆ ئەنچیلۆتی ڕاهێنەری ڕیاڵ مەدرید بەشداری کۆنفرانسێیکی ڕۆژنامەنوسی کرد و دوپاتیکردەوە کە کۆرتوا بەشداری ئەو یارییە ناکات و شەممەى داهاتوو دەگەڕێتەوە.
پیرۆزبایی لە یاریزانەکانی بەرشلۆنەش کرد بۆ بردنەوەى خەڵاتەکانیان و ئاماژەى بەوەشدا کە ئێستا کەریم دەتوانێت بیر لە تۆپی ئاڵتونی دووەم بکاتەوە.
بەشێک لە وتەکانی ئەنچیلۆتی
/ کۆرتوا هەفتەی داهاتوو بەرامبەر ئیشبیلیە یاریی دەکات، بۆ یاریی ئیلچی پشووە
/ کۆرتوا ڕاهێنانی باشی کردوە بەڵام بەشداری یاریی سبەى ناکات
/ پێویستە پیرۆزبایی لەمانچستەر سیتی بکەین کە بونەتە باشترین یانەى ساڵ، وەرزێکی نمونەییان بەڕێکردووە
/ شانازی بە یاریزانەکانی خۆمەوە دەکەم، پیرۆزباییش لە گاڤی و لیڤاندۆڤسکی دەکەم بۆ خەڵاتەکانیان
/ نازانم لە داهاتوودا چی لەسەر مباپی ڕوودەدات، ئێستا ئێمە خاوەنی ڤینیسیۆس و ڕۆدریگۆ و ڤالڤێردی و کامافینگا و میلیتاوین، مێژووی خۆیان نوسیوەتەوە
/ پلەى هەشتەم بۆ ڤینیسیۆس خراپ نییە، واى لێدەکات هەوڵ بدات باشتر بێت
/ ئێمە شانازی بە کەریم بنزیمەوە دەکەین، هەست دەکەین ئەم تۆپە ئاڵتونییە ئێمە خاوەنەکەین
/ بنزیمە سوپاسی هەموو هاوڕێکانی کرد کە تۆپە ئاڵتونییەکەى بەدەستهێنا، ئەوەى بەدەستهات بەهۆی کاری بەکۆمەڵەوە بوو
/ لە ئێستاوە کەریم دەتوانێت بیر لەوە بکاتەوە تۆپی ئاڵتونی دووەم بەدەستبهێنێتەوە
/ توشی سەرسورمان نەبوم بەوەى کۆرتوا لەپلەى حەوتەمدا بوو چونکە هەمیشە گۆڵچییەکان وەک هێرشبەر هەژمارناکرێن
