سەرپەرشتیاری كەركوك – سەڵاحەدینی یەكێتیی نیشتمانیی كوردستان ڕایدەگەیەنێت، هەموو كەسێك باسی خیانەت بكات نابێت پارتی باسی بكات، چونكە خیانەتی لە هەموو لایەنەكان كردووە و دەشڵێت، ” 16ی ئۆكتۆبەر دەرئەنجامی ڕیفراندۆم بووە و لەو میحوەرانەی پارتی لێبوو بێ تەقە چۆڵیان كرد”.
ئاسۆ مامەند سەرپەرشتیاری كەركوك – سەڵاحەدینی یەكێتیی نیشتمانیی كوردستان لە لێدوانێكدا بە تۆڕی میدیایی ئێستای ڕاگەیاند، پارتی پێشتر ڕیفراندۆمی كرد و ئێستاش لە بەغداد شەڕی پۆست دەكات ڕووداوەكانی 16ی ئۆكتۆبەر دەرئەنجامی ڕیفراندۆم بووە.
ئەو بەرپرسەی یەكێتی پێیوایە، هەموو كەسێك باسی خیانەت بكات نابێت پارتی باسی بكات چونكە خیانەتی لە سەرجەم لایەنەكان كردووە و لە ڕووداوەكانی 16ی ئۆكتۆبەردا یەكێتی چەند پێشمەرگەیەكی شەهید بوو و بەرگری لە كەركوك كرد، بەڵام ئەو میحوەرانەی پارتی لێبوو بەبێ تەقە چۆڵیان كرد.
