بافڵ جەلال تاڵەبانی سەرۆكی یەكێتیی نیشتمانیی كوردستان بەبۆنەی دەستبەكاربوونی دۆناڵد ترەمپ وەك سەرۆكی ویلایەتە یەكگرتووەكانی ئەمریكا پەیامێكی پیرۆزبایی ئاراستە كرد و دەڵێت،”گەلی كورد و گەلی ئەمریكا پێكەوە دەتوانن جیهانێكی سەلامەتتر و ئاوەدانتر بۆ هەمووان بوونیادبنێن”.
لە پەیامەكەیدا هاتووە، “لە قووڵایی دڵمەوە پیرۆزبایی خۆم ئاراستەی سەرۆك دۆناڵد ترەمپ دەكەم بەبۆنەی دەستبەكاربوونی وەك سەرۆكی ویلایەتە یەكگرتووەكانی ئەمریكا و سەركردایەتییەكەی لاپەڕەیەكی نوێ لە پەیوەندییە بەردەوامەكانی نێوان گەلی كورد و گەلی ئەمریكادا هەڵدەداتەوە”.
سەرۆكی یەكێتی دەشڵێت، “بەوپەڕی خۆشحاڵییەوە چاوەڕێم لەگەڵ ئیدارەی نوێی ئەمریكا كاربكەم بۆ بەهێزكردنی پەیوەندییە مێژووییەكانمان و بەرەوپێشبردنی ئاشتی و سەقامگیری لە ناوچەكەدا و گەلی كورد و گەلی ئەمریكا پێكەوە دەتوانن جیهانێكی سەلامەتتر و ئاوەدانتر بۆ هەمووان بوونیادبنێن”.
