سەرۆكایەتیی شارەوانیی سلێمانی رایدەگەیەنێت، ئەمڕۆ تیمەكانمان دەستیان كرد بە لابردنی سەرجەم ئەو ریكلامانەی كە لە شوێنی ناشایستە دانرابوون و داواش لە سەرجەم قەوارە و حزب و كاندیدەكان دەكات پابەندی رێنماییەكانی كۆمسیۆن بن.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كردووە و تێیدا هاتووە، لابردنی ریكلامی نایاسایی و نا ئەندازەیی شەقامەكان بەردەوامە و بەشی خزمەتگوزاریی شارەوانیی سلێمانی رۆژانە دڵسۆزانە ئەركەكانی خۆیان جێبەجێدەكەن.ئەو ریكلامانەی كە لە شوێنی ناشایستە دانرابوون و دەستكراوە بە لابردنیان كە دەبێتە هۆی شێواندنی سیمای شەقامەكان.
هەر لە راگەیەندراوەكەدا هاتووە، داوا لە سەرجەم قەوارە و حزب و كاندیدە بەڕێزەكان دەكەین پابەندی رێنماییەكانی كۆمسیۆن بن و دوای تەواوبوونی پڕۆسەی هەڵبژاردن هەستن بە لێكردنەوەی سەرجەم پۆستەر و دروشمەكان”.
