ئه‌مشه‌و چوارشه‌ممه، گه‌ڕی چواره‌می قۆناغی کۆمه‌ڵه‌کانی چامپیۆنزلیگ بۆ وه‌رزی 2022/2023 به‌رده‌وامی هه‌بوو، ناپۆلی چواره‌م بردنه‌وه‌ی تۆمارکرد و ئه‌تله‌تیکۆ مه‌درید یه‌کسانبوو.
یانه‌ی ناپۆلیی ئیتاڵی له یاریگای “دیێگۆ ئارماندۆ مارادۆنا” میوانداریی ئه‌یاکس ئه‌مسته‌ردامی هۆڵه‌ندی کرد، یارییه‌که به ئه‌نجامی چوار گۆڵ به‌رامبه‌ر به دوو گۆڵ کۆتاییهات.
گۆڵه‌کانی ناپۆلی له خوله‌که‌کانی چوار، 16، 62، 89 له‌لایه‌ن هێرڤینگ لۆزانۆ، جیاکۆمۆ ڕاسپادۆری، خڤیچا کڤاراتسخێلیا و ڤیکتۆر ئۆسیمینه‌وه تۆمارکران، گۆڵه‌کانی ئه‌یاکس له خوله‌که‌کانی 49، 83 له‌لایه‌ن داڤی کلاسین و ستیڤن بێرگوینه‌وه تۆمارکران.
له یارییه‌کی دیکه‌دا، یانه‌ی ئه‌تله‌تیکۆ مه‌درید له یاریگای “واندا میترۆپۆلیتانۆ” میوانداریی کله‌ب بروجی به‌لجیکی کرد، یارییه‌که به‌بێ گۆڵ کۆتاییهات.
به‌پێی ئه‌نجامه تۆمارکراوه‌کان، یانه‌ی ناپۆلی به کۆکردنه‌وه‌ی 12 خاڵ به‌فه‌رمی سه‌رکه‌وتنی بۆ قۆناغی 16 مسۆگه‌ر کرد، هه‌روه‌ها یانه‌ی ئه‌تله‌تیکۆ مه‌درید ژماره‌ی خاڵه‌کانی گه‌یانده چوار خاڵ، له‌به‌رامبه‌ردا کله‌ب بروج به 10 خاڵه‌وه سه‌رکه‌وتنی بۆ قۆناغه یه‌کلاکه‌ره‌وه‌کان مسۆگه‌رکرد.
