لە ڕووداوێکی بوومەلەرزە و ڕۆچوونی زەویدا لە باشووری ڕۆژئاوای کاراکاسی پایتەختی ڤەنزوێلا 22 کەس گیانیان لەدەستدا و 50 کەسی دیکەش بێسەروشوێنبوون.
دیلسی ڕۆدریگێس، جێگری سەرۆکی ڤەنزوێلا ڕایگەیاند، “لە شاری تێخیریاس لە باشووری ڕۆژئاوای شاری کاراکاسی پایتەخت، بەهۆی بوومەلەرزە و ڕۆچوونی زەوییەوە زیانێکی زۆری گیانی و ماددی کەوتووەتەوە”.
وتیشی، “لە ڕووداوەکەدا تا ئێستا 22 کەس گیانیان لەدەستداوە و زیاتر لە 50 کەسیش بێسەروشوێنن”.
ئاشکراشیکرد، “بە هاوکاری هێزەکانی سوپا هەوڵەکان بۆ دەرهێنانەوەی تەرمەکان و زانینی چارەنووسی بێسەروشوێنبووەکان دەستیانپێکردووە”.
