نرخی نەوتی خاو لە جیهاندا بۆ ئەمڕۆ بە بەرزی ماوەتەوە، یەكێك لە هۆكارەكانی ئەوەش بۆ زیادبوونی ڕێژەی كوتانی هاوڵاتییانی جیهان بە ڤاكسینی دژە كۆرۆنا دەگەڕێندرێتەوە.
بۆ ئەمڕۆ چوارشەممە 7ی نیسان، لەكاتی ئامادەكردنی ئەم هەواڵە، نرخی یەك بەرمیل نەوتی خاوی برێنت بەرامبەرە بە 62 دۆلار و 93 سەنت.
هەروەها نرخی یەك بەرمیل نەوتی خاوی ڕۆژئاوای تەكساس (ئەمریكی) بەرامبەرە بە 59 دۆلار و 49 سەنت.
ئاژانسی ڕۆیتەرز هۆكاری بەرزبوونەوەی نرخی نەوتی گەراندووەتەوە بۆ، ئەگەرەكانی گەشەسەندنی ئابوریی جیهان و زیادبوونی كوتانی هاوڵاتییانی جیهان بە ڤاكسینی دژە كۆرۆنا و كەمبوونەوەی نەوتی لەكۆگاكراوی ئەمریكی.
