ڕوسیا مووشەکێکی نهێنی دژ بە ئۆکرانیا بەکاردەهێنێت و هەناردەی دەرەوەی ناکات، مووشەکەکە بە “تیری هەڵخەڵەتێنەر” ناسراوە.
بەپێی ڕاپۆرتێکی ڕۆژنامەی “نیویۆرک تایمز”ی ئەمریکی، ڕوسیا مووشەکێکی نهێنی دژ بە ئۆکرانیا بەکارهێناوە و هەناردەی دەرەوەی ناکات، مووشەکەکە بە “تیری هەڵخەڵەتێنەر” ناسراوە و ئامانجی ڕوسیا لەم کارەی، بەلاڕێدابردنی لایەنەکانە.
“نیویۆرک تایمز” ڕوونیکردەوە، ڕوسیا ئەم چەکە هەناردەی دەرەوە ناکات، تاکو خۆرئاوا نهێنییەکەی بۆ ئاشکرانەبێت و لەڕێی پرۆسەی “ئەندازیاریی پێچەوانە”وە دروستینەکاتەوە.
بەپێی ڕۆژنامەکە، ڕوسیا ئەم مووشەکانە دژ بە ئۆکرانیا بەکاردەهێنێت، بەڵام هیچ لایەنێکی سەربەخۆ هێشتا ئەم هەواڵەی پشتڕاست نەکردووەتەوە.
بەپێی ڕاپۆرتەکە، مووشەکی جۆری “ئیسکەندەر” لە ڕوسیا و بێلاڕوسیاوە بە ئۆکرانیاوە دەنرێت، هاوکاتیش ئەم سیستمە مووشەکییە، کە بە ” تیری هەڵخەڵەتێنەر” ناسراوە، بۆ سەرلێتێکدانی سیستمی دژەمووشەکی ئۆکرانیا بەکاردەهێنرێت.
بەپێی ڕۆژنامە ئەمریکییەکە، ئەم مووشەکانە لە شێوەی تیردان، لە خاکی ئۆکرانیادا بینراون و وێنەیان لە تۆڕە کۆمەڵایەتییەکاندا بڵاوبووەتەوە.
