لە چێوەی کێبڕکێکانی خولی ئەڵمانیا، یانەی بایرن میونشن لە دەرەوەی یاریگای خۆیدا “دێر کلاسیکێر”ی بەرامبەر بوروسیا دۆرتمۆند ئەنجامدا و یەکسانبوونی تۆمارکرد.
ئەمڕۆ شەممە، لە چێوەی یارییەکانی هەفتەی نۆیەمی خولی ئەڵمانیا، یانەی بایرن میونشن لە “سیگناڵ ئیدۆنا پارک” بووە میوانی یانەی بوروسیا دۆرتمۆند.
یاریی کلاسیکۆی ئەڵمانیا بە ئەنجامی یەکسانبوون (2-2) کۆتاییهات.
گۆڵەکانی “باڤاری” لە خولەکەکانی 33 و 53 لەلایەن لیۆن گۆرێتزکا و لیرۆی سانێ-وە تۆمارکران، گۆڵەکانی “ڤێستیڤالین” لە خولەکەکانی 75 و 94 لەلایەن یوسوفا مکۆوکۆ و ئانتۆنی مۆدێستەوە تۆمارکران.
بەپێی ئەنجامە تۆمارکراوەکە، یانە زەبەلاحەکەی باڤاریا بە کۆکردنەوەی 16 خاڵ چووە پلەی سێیەمی ڕیزبەندیی “بوندس لیگ”، لە بەرامبەردا یانەی دۆرتمۆند بە جیاوازی گۆڵ چووە پلەی چوارەم.
