بەیانی ئەمڕۆ چوارشەممە ئۆتۆمبێلێک لەسەر رێگەی (کەرکوک – لەیلان) وەرگەڕا کە سەرنشینەکانی کارمەندی تەندروستیی ناحیەی لەیلان بوون.
پەیامنێری تۆڕی میدیایی ئێستا گواستییەوە،” بەیانی ئەمڕۆ چوارشەممە ئۆتۆمبێلێک لەسەر ڕێگەی (کەرکوک – لەیلان) وەرگەڕا کە سەرنشینەکانی کارمەندی تەندروستیی ناحیەی لەیلان بوون و بەرەو دەوامی ڕۆژانەی خۆیان دەڕۆیشتن”.
وتیشی، ” بەهۆی ڕووداوەکەوە ژنە پەرستارێک بەناوی (شڤان یوسف عەبدوڵا) گیانی لەدەستداوە و سێ ژنە پەرستاری دیکەش برینداربون، هاوکات منداڵێکی تەمەن دوو ساڵیش کە هی یەکێک لە پەرستارەکانە دوای گەیاندنی بەنەخۆشخانە بەهۆی سەختی برینەکەیەوە گیانی لەدەستداوە”.
