بۆ هەڵبژاردنی ئەنجومەنی نوێنەرانی عێراق، زیاتر لە 185 هەزار کارمەند لە وەزارەتی ناوخۆی عێراق راسپێردراون بۆ پارێزگاریکردن لە وێستگەکانی دەنگدان.
میقداد میری، وتەبێژی وەزارەتی ناوخۆی عێراق لە کۆنفرانسێکی رۆژنامەوانیدا رایگەیاند، “ژمارەی ئەو ئەفسەرانەی بەشداری لە پاراستنی وێستگەکانی دەنگدان دەکەن 9 هەزار و 932 ئەفسەرن، بە تێکڕا کۆی ئەو ئەفسەر و کارمەندانەی بەشداری لە پاراستنی ئاسایشی وێستگەکانی دەنگدان دەکەن دەگاتە 185 هەزار 162 ئەفسەر و کارمەند”.
شایەنی باسە، هەڵبژاردنی کارمەندانی هێزە ئەمنییەکان و وەزارەتی ناوخۆ، دوو رۆژ پێش هەڵبژاردنە گشتییەکان و لە رۆژی 9ی تشرینی دووەم ئەنجامدەدرێت، زیاتر لە یەک ملیۆن 300 هەزار کارمەند لە هێزە ئەمنییەکان و وەزارەتی بەرگریی مافی دەنگدانیان هەیە.
