بەرپرسێك لە ڕێكخراوی تەندروستیی جیهانی ناوی 11 وڵاتی ئاشكراكردووە كە گەرەنتی دەستخستنی ڤاكسینی دژە كۆرۆنایان پێدراوە، وڵاتی عێراق لەنێویاندایە.
ئەحمەد مەنزری، بەڕێوبەری هەرێمی لە ڕێكخراوی تەندروستیی جیهانی بۆ هەرێمی ڕۆژهەڵاتی ناوەڕاست ئەمڕۆ سێشەممە بە سكای نیوزی ڕاگەیاندوو، “تەواوی وڵاتانی ناوچەكە كە ژمارەیان 22 وڵاتە بەشدارییان لە ڕێكخراوی كۆڤاكسی جیهانی كردووە، بۆ ئەوەی ڤاكسینی دژە كۆرۆنا دەستبخەن”.
ئاشكراشیكردووە، “لەو ژمارەیە 11 وڵاتیان ڕەزامەندییان پێدراوە بۆ ئەوەی ڕاستەوخۆ بتوانن ڤاكسینی دژە كۆرۆنایان دەستبكەوێت”.
سەبارەت بەو وڵاتانەی چانسی وەرگرتنی ڤاكسینەكەیان دەستەبەر كردووە ئەحمەد مەنزری ئاماژەی بەوەكردووە، هەریەك لە وڵاتانی ئیمارات، سعودیە، ئێران، عێراق، لوبنان، ئوردن، لیبیا، بەحرەین، عەمان، قەتەڕ و كوەیت گەرەنتی ئەوەیان كردووە كە ڤاكسینەكەیان پێبدرێت.
كۆڤاكس ڕێكخراوێكی جیهانییە دروستكراوە تایبەت بە، ڕێكارەكانی گەرەنتی كردنی گەیشتن بە ڤاكسینی دژە كۆرۆنا بەشێوەیەكی خێرا و دادپەروەرانە.
