منداڵێكى ڕوسی، وهزیری دهرهوهى وڵاتهكهى سهرسام دهكات و به ناڕاستهوخۆ لێی دهپرسێت: “كهی گهورهكان جهنگ ڕادهگرن؟”.
ئهو منداڵه كچه خوێندكارێكه له قوتابخانهیهكی شارى ڤۆڵگۆگراد، كاتێك سێرگی لاڤروڤ وهزیری دهرهوهى ڕوسیا سهردانى مۆزهخانهی “شهڕی ستالینگراد”ی لهو شاره كردووه و لهگهڵ جهنگاوهره دێرینهكاندا كۆبووهتهوه، كچهكه سروودێكی وتووه و تیایدا ئهو پرسیارهى داوه بهگوێی ئامادهبوواندا كه “گهورهكان ئێوه كهى جهنگ ڕادهگرن؟”.
وهزیری دهرهوهى ڕوسیا، ئهو پرسیارهى به مایهی سهرسامبوونى خۆی ناوزهد كردووه و ئاماژهی بۆ ئهوه كردووه كه گۆرانى و پرسیاری كچهكه، چاوهكانیان پڕفرمێسك كردووه.
لاڤروڤ ڕایگهیاندووه، “بێگومان وهڵامدانهوهى ئهو پرسیارهى كه كهى كۆتایی به جهنگ دههێنین ئهستهمه، ڕهنگه گهر ئهو بابهته پهیوهندى به ئێمهوه ههبووایه، ئهوا بهمنزیكانه بهدیبهاتبایه”.
