ڕۆمێلو لوکاکوی بەلجیکی، بەهۆی پێکانەوە بەشداریی یاریی کریمۆنێزی ناکات، گومان دەکرێت بەشداری “دێربی میلانۆ”ش نەکات.
بەپێی زانیارییەکانی “سکای سپۆرت ئیتاڵیا”، لوکاکو لە دوایین یاریی ئینتەر میلان بەرامبەر لازیۆ دووچاری پێکانی ماسولکەیی بووە (پێکانی ماسولکەی ڕان)، بەو هۆیەوە بۆ یاریی سێشەممەی داهاتوو بەرامبەر کریمۆنێزی بانگهێشت ناکرێت.
Lukaku risentimento coscia sinistra oggi in allenamento. Salta Cremonese ed è in dubbio per derby. Ulteriori esami nei prossimi giorni per essere più precisi @SkySport #Lukaku
— Matteo Barzaghi (@MatteoBarzaghi) August 28, 2022
سەرچاوەکە جەخت لەوە دەکاتەوە، ئەمڕۆ یەکشەممە ڕاهێنانەکانی بە شێوەیەکی ئاسایی ئەنجام نەداوە، ستافی پزیشکیی ئینتەر گومانیان لەوە هەیە لە یاریی “دێربی میلانۆ” نەتوانێت بەشداری بکات، بۆیە لە چەند کاتژمێری داهاتوودا پشکنینی پزیشکی زیاتری بۆ دەکرێت بۆ زیاتر تێگەیشتن لە جۆری پێکانەکە و چۆنیەتی چارەسەرکردنی.
لوکاکو لەم وەرزەدا سێ یاریی بۆ “نێراتزۆری” کردووە، تەنها گۆڵێکی تۆمار کردووە.
