یانەی لیدز یونایتد لە یاریگای خۆیدا یاریی هەفتەی سێیەمی وەرزی نوێ (2022/2023)ی بەرامبەر چێڵسی ئەنجامدا، یانەی خانەخوێ بردنەوەی تۆمار کرد.
ئەمڕۆ یەکشەممە، لە چێوەی یارییەکانی هەفتەی سێیەمی خولی نایابی ئینگلتەرا “پریمەرلیگ”، یانەی لیدز یونایتد لە یاریگای “ئایلاند ڕۆد” میوانداریی چێڵسی کرد، یارییەکە بە ئەنجامی سێ گۆڵی بێوەڵام لە بەرژەوەندیی ئەستێرەکانی جیسی مارش کۆتاییهات.
گۆڵەکانی لیدز لە خولەکەکانی 33، 37، 69 لەلایەن برێندن ئارۆنسۆن، ڕۆدریگۆ، جاک هاریسۆنەوە تۆمارکران.
بەپێی ئەنجامە تۆمارکراوەکە، لیدز یونایتد سێ خاڵی گرنگی بەدەستهێنا و بە حەوت خاڵەوە و بە شێوەیەکی کاتی بۆ پلەی چوارەمی ڕیزبەندیی پریمەرلیگ سەرکەوت، یانەی چێڵسی-ش بە چوار خاڵەوە بۆ پلەی 12 دابەزی.
