بەڕێوەبەرانی یانەی مانچستەر یونایتد دەستیان بە دانوستاندن بۆ گواستنەوەی ئانتۆنی ماتیۆس دۆس سانتۆسی بەڕازیلی کردووە، بەڵام ئەیاکس ئەمستەردام داوای بڕێکی خەیاڵی دەکات.
ماڵپەڕی “تریبونا”ی بەریتانی بڵاویکردووەتەوە، لە ئێستادا بەڕێوەبەرانی مانچستەر یونایتد سەرقاڵن بە دانوستاندن بۆ گواستنەوەی “ئانتۆنی”ی هێرشبەری یانەی ئەیاکس ئەمستەردام، کە لە توانایدایە لە هەردوو پێگەی هێرشبەری باڵی ڕاست و چەپ یاری بکات.
ئیدارەی یانە هۆڵەندییەکە داوای بڕی 100 ملیۆن یورۆی کردووە، لە کاتێکدا نرخی یاریزانەکە لە “ترانسفێرمارکت” بە 35 ملیۆن یورۆ خەمڵێنراوە.
£85m for Antony is a massive risk.
He has huge potential but 8 goals & 4 assists in the Eredivisie last season is worth £50m at best.
In recent seasons, successful wingers coming from the Netherlands have a history of flopping in England as well…#Ajax #ManUtd #MUFC #PL pic.twitter.com/GbO8JNlvY1
— Freddie Dean (@FLD_BHAFC) August 19, 2022
ئانتۆنی لە تەمەنی وەرزشییدا 119 یاری بۆ ساوپاولۆ و ئەیاکس کردووە، تەنها 28 گۆڵ و 28 ئەسیستی تۆمار کردووە، وەرزی ڕابردوو لە کۆی 33 یارییدا 12 گۆڵ و 10 ئەسیستی هەبووە.
هاندەرانی “ڕێد دێڤلز” لە تۆڕە کۆمەڵایەتییەکان هۆشدارییان بە یانەکەیان داوە، کە یاریزانی ناوبراو شایستەی 100 ملیۆن نییە، بەڵکو دووبارەکردنەوەی چیرۆکی جادۆن سانچۆ و گرێبەستە شکستخواردووەکانی سەردەمی ڕابردووە.
