لە ئامێدییەوە كۆڕەك پێتدەڵێت ”كاتێكی خۆش لە توركیا بەسەربەریت” ئەمەش بەپێی ئەو نامانەی ئاراستەی بەشداربووانی دەكات.
پەیامنێرمان لە دهۆك پێیڕاگەیاندین، چوار كیلۆمەتر نزیك لە ناوەندی قەزای ئامێدی لەلایەن كۆمپانیای كۆڕەكەوە نامەیەكی پێگەیشتووە وەك ئەوەی گەیشتبێتە خاكی توركیا و تیایدا هاتووە، “كۆڕەك هیواخوازە كاتێكی خۆش ببەیتەسەر لە توركیا”.
لەگەڵیشیدا كۆمپانیاكە ئەو خزمەتگوزارییانەی خستووەتەڕوو كە بەشداربوویەكی لەناو خاكی توركیادا دەتوانێت بەكاریبهێنێت.
نامەكە لەكاتێكدایە سەربازانی سوپای توركیا بە قوڵایی چەندان كیلۆمەتر خاكی هەرێمی كوردستانیان بەزاندووە و لە گوندە سنوورییەكانی قەزاكە بنكە و بارەگایان داناوە، هەروەك ناوەندی قەزاكە و ناوچە شاخاوییەكانی لەبەردەم بۆردومانی ناوبەناوی فڕۆكە سەربازی و بێفڕۆكەوانەكانیدایە.
