شەوی رابردوو لە گوندێکی سنووری قەزای کۆیە لە شەڕی نێوان دوو دراوسێدا کەسێک کوژرا.
پەیامنێری تۆڕی میدیایی ئێستا گواستییەوە، شەوی رابردوو لە گوندی قۆریتانی سنووری قەزای کۆیە شەڕ لەنێوان دوو دراوسێدا دروستبووە و لە ئەنجامدا کەسێک کوژرا.
ئاماژەی بەوەشکرد، کوژراوەکە ناوی عەباس مەولودە و کارمەندی ئاسایش بووە و جگە لەوەش خاوەنی نووسینگەی خانووبەرە بووە.
ئاشکراشیکرد، هەر لە شەڕەکەدا کەسێکی دیکەش برینداربووە، بەڵام ناسنامەکەی ئاشکرانەکراوە.
