كەشناسیی هەرێم دەڵێت، ئەمڕۆ و سبەینێ بارانبارین بەردەوام دەبێت و لێزمەبارانی تێدا دەبێت، پێشتریش پێشبینیی بەفربارین كراوە لە سەرەتای هەفتەی داهاتووەوە.
كەشناسیی هەرێمی كوردستان پێشبینییەكانی بۆ ئەمڕۆ و سبەینێ بڵاوكردووەتەوە، لە هەردوو ڕۆژەكەدا ئاسمانی هەرێمی كوردستان هەوری تەواو دەبێت و لێزمەباران بەردەوام دەبێت.
بارانەكەی ئەمڕۆ و سبەینێ تەواوی پارێزگاكانی هەرێمی كوردستان دەگرێتەوە و ئەگەری بەرزبوونەووەی ئاستی ئاو هەیە، وەك ئەوەی كەشناسی دەیڵێت، هەروەها لە ناوچە شاخاوییە بەرزەكان بەفر دەبارێت.
پێشتریش پێشبینی كرابوو لە سەرەتای هەفتەی داهاتووەوە شەپۆلێكی سەرما و بەفربارین ڕوو لە هەرێمی كوردستان بكات، ئەم شەپۆلەی سەرما و باران و بەفر تا دووشەممەی داهاتوو بەردەوام دەبێت
