لیژنەکانی پشکنین و چاودێریکردنی پارێزگای هەولێر، 16 بەنزینخانەیان سزادا کە دەستکاریی کوالێتیی بەنزینیان کردووە و بەنزینی خراپیان فرۆشتووە، لە دوو مانگی ڕابردووشدا 188 بەنزینخانە سزادراون.
لە ڕاگەیەندراوێکدا پارێزگای هەولێر بڵاویکردەوە، ئەو 16 بەنزینخانەیە ڕێکاری یاساییان بەرامبەر گیراوەتەبەر و خاوەنەکانیان سزادراون.
بەپێی پشکنین و بەدواداچوونی لیژنەکانی پارێزگای هەولێر کوالێتیی بەنزینی ئەو بەنزینخانانە دەستکاریکراون و بەنزینی خراپیان فرۆشتووە.
ئاماژە بەوەشکراوە، لە سەرەتای مانگی حوزەیرانەوە تا ئێستا 188 بەنزینخانە سزادراون، هەشت لەوانە چەندجارێک سەرپێچییەکانیان دووبارەکردووەتەوە و ناوەکانیان بڵاوکراوەتەوە.
ناوی بەنزینخانەکان:-
یەکەم/ وێستگەى هامان1
دووەم/ وێستگەى باواجى
سێیەم/ کۆک
چوارەم/ وێستگەى کوردستان/ 100 مەترى
پێنجەم/ وێستگەى دونیا/ حدید و خەشەب
شەشەم/ وێستگەى فیرارى
حەوتەم/ وێستگەى باز
هەشتەم/ وێستگەى ڕزگارى
