دوو كچ لە رووباری خازر خنكان و بەرگریی شارستانیی ئاكرێ دەڵێت، تەرمەكانیان دەرهێنراونەتەوە.
دوای ئەوەی دوو كچ لە رووباری خازر خنكان، بەڕێوەبەرایەتیی بەرگریی شارستانیی ئاكرێ رایگەیاند، كاتژمێر 06:30 خولەكی بەرەبەیانی ئەمڕۆ تیمەكانیان لەسەر رووبارەكە و لە نزیك گوندی خەلیلكان-ی سەر ناحیەی گردەسێن ئامادەبوون.
روونیشیكردەوە، تەرمی یەكێك لە قوربانییەكان سەرئاوكەوت، تەرمی دووەمیش لەلایەن تیمەكانیانەوە دەرهێندراوە.
بەرگریی شارستانیی ئاكرێ تەمەن و ناسنامەی قوربانیانی ئاشكرانەكردووە، تەنها ئاماژەی بەوەدا تەرمەكانیان رەوانەی پزیشكی دادوەری كراوە.
