کۆمسیۆنی باڵای سەربەخۆی هەڵبژاردنەکان نموونەی سەرەتایی وەرەقەی دەنگدانی بۆ دەنگدانی پەرلەمانی کوردستان پەسەندکرد.
جومانە غەلای وتەبێژی کۆمسیۆنی باڵای سەربەخۆی هەڵبژاردنەکان بە تۆڕی میدیایی ئێستای راگەیاند، ئەنجومەنی کۆمسیاران نموونەی سەرەتایی وەرەقەی دەنگدانی پەسەندکردووە، بەڵام ئەمە یەکجارەکیی نییە و ئەگەری هەیە گۆڕانکاری تێدابکرێت.
ئاماژەی بەوەشکرد، پەسەندکردنی وەرەقەی کۆتایی دەنگدان دەکەوێتە دوای پێداچوونەوە و هەڵسەنگاندن و تیروپشک بۆ لیست و حزب و کاندیدەکانی هەڵبژاردن.
ئەمە لە کاتێکدایە چاوەڕێدەکرێت لە نیوەی یەکەمی مانگی داهاتوو کۆمسیۆن تیروپشک بۆ ناوی لیست و حزب و کاندیدە بەشداربووەکانی هەڵبژاردنی پەرلەمانی کوردستان بکات.
