بەڕێوەبەرانی یانەی یوڤانتۆس بیریان لەوە کردووەتەوە، بە یەک گوژمە گرێبەستێکی دووانی لەگەڵ یانەی بەرشلۆنە واژۆ بکەن.
ڕۆژنامەی “توتۆ سپۆرت”ی ئیتاڵی نووسیویەتی، یوڤانتۆس پێویستی بە جێگرەوەی دوشان ڤلاهۆڤیچە، گواستنەوەی مۆراتا و پاریدێس لە ئێستادا قورس بووە، چونکە دووانەی ناوبراو نرخەکانیان بەرزە و نزیکی 70 ملیۆن یورۆ دەبێت.
ئەندریا ئانێلی سەرۆکی یوڤێ و هاوکارانی بیریان لەوە کردووەتەوە دوو جێگرەوەی هەرزان دابین بکەن، ناوەکانی میرالیم پیانیچ و مێمفیس دیپای-یان دەستنیشان کردووە، کە بۆ یانەی بەرشلۆنە یاری دەکەن.
بەپێی سەرچاوەکە، ئەگەر یوڤێ دەستبەرداری دۆسیەی مۆراتا و پاریدێس ببێت، ڕاستەوخۆ “دەبڵ بۆند” لەگەڵ بارسا واژۆ دەکات و بە خواستن پیانیچ و مێمفیس دیپای بۆ وەرزێک دەگوازێتەوە بۆ ڕیزەکانی.
